हाम्रा मित्र अचेल यन्त्र भएछन ।

व्यंग्य: राजु प्रसाद लामिछाने (जुदने)
माझठाना ६, कास्की
हाल: हप्किन्स, मिन्नेसोटा


भर्खर साथीले विहे गरेछन ।
श्रीमतीसँगै रिमोर्ट कन्ट्रोल पनि ल्याएछन ।।
त्यही दिन देखि मित्र यन्त्र भएछन ।।।

रिमोर्टको भरमा चल्दा रहेछन,
रिमोर्टकै भरमा बोल्दा रहेछन ।
बस भन्दा बस्दा रहेछन,
उठ भन्दा उठ्दा रहेछन ।
खा भन्दा खाँदा रहेछन,
जा भन्दा जाँदा रहेछन ।
साच्चै हो,
हाम्रा मित्र त अचेल यन्त्र भएछन,
भर्खर साथीले विहे गरेछन ।
................................

डिस्को र क्लब तिर जानै छाडेछन,
रक्सी र चुरोट पनि खानै छाडेछन ।
शनिवार शनिवार मन्दिर जान थालेछन,
मंगलबार मंगलबार चोखो खान थालेछन ।
पेट बड्ने डरले थोरै खान थालेछन,
जाडै भएपनि मर्निङवाक जान थालेछन ।
साच्चै हो,
हाम्रा मित्र त अचेल ज्ञानी भएछन,
भर्खर साथीले विहे गरेछन ।
................................

बाउ-आमाको कुरा मन नपराउदा रहेछन,
श्रीमती कै हर कुरो सराउँदा रहेछन ।
श्रीमतीलाई देखे पछि डराउँदा रहेछन,
पाँच नबज्दै खुरुक्क घर आउँदा रहेछन ।
लुगा धुन, भाँडा माझ्न सघाउँदा रहेछन,
साथी-भाईसँग भने लजाउँदा रहेछन ।
त्यही भएर पो,
बिहे गरेपछि साथीहरु हराउँदा रहेछन ।
श्रीमतीसँगै रिमोर्ट् कन्ट्रोल पनि ल्याउँदा रहेछन ।।
त्यही दिनदेखि धेरै मित्रहरु यस्तै हुँदा रहेछन ।।।

http://www.sapanasansar.com/2011/01/blog-post.html

कवि जी !

लेखुँला झैं - के कन ऊ !

घोरिएको छ - खाली कागजमा

उसका लागि कुनै लेखनिय

छैन - विषयवस्तु

चिन्तीत विताएर पनि - केहीबेर

नसकेकोमा केही लेख्न

धिक्कार्दैछ आफैंलाई

घोरिएको छ - तै पनि ऊ त्यहीं

स्थिर छ कलम -उसको

आँखा छन् थकित - उसका

तर मौन विश्रामपछि - आँखामा उसका

छाउन थाल्छ - निकै चमक

जुरुक्क उठ्छ - त्यहाँबाट ऊ

तखताहरुबाट – दराजका

ल्याएर पत्रिका केहि मुठा

थाल्छ पल्टाउन पाना ऊ

पल्टाएको छ - उसले

पाना एकएक हरेक पत्रिकाका

नियाल्छ सबैलाइ एकपटक

थाल्छ चलाउन कलम वेतोडले

अनि

दोबाटोमा भेट्दा मैले - भोलीपल्ट उसलाई

लाग्दैथियो प्रकाशनगृहतिर – ऊ

ठेली थिए अनगिन्ती कवितका - हातमा उसका ।

२०६१-१२-१, नागढुङ्गा, पोखरा - ८

एक कप चिया र एक ट्वाँक रक्सी !

हिजो आज !

भुन्टीको चियापसलमा भन्दा

साँइलीको भट्टीपसल ज्यादै

भिडभाडपूर्ण देखिन्छ

एउटै आमाका यी दुई तरुनी छोरीहरु

आफैंमा दङ्ग पनि छन्

भीड जम्मा गराई गफ गराउने भुन्टी

उही भीडमा खलबल मचाउने साँइली

फरक यत्ति मात्र हो

विहान भुन्टीको कब्जामा छ भने

साँझ साँइलीको कब्जामा

तर पनि बन्द र चाडवाडका दिन

यी दुवै कहिलेकाँही पूर्पूरोमा हात पनि

लगाइरहेका देखिन्छन्

र आफैंमा प्रश्न गर्छन्

'मेरो भन्दा साँइलीको व्यापार बढी छ'

'मेरो भन्दा भुन्टीको व्यापार कम छ'

त्यस्तैमा कहींबाट उत्तर आउँछ

'एक कप चियाले अण्डा र चना तान्ला ?

तर एक ट्वाँकले भट्मासदेखि रोष्ट माग्छ !'

केहि दिनपछि भुन्टीपनि भट्टीपसलमा देखिन्छे

दुवैको व्यापार आजकाल

निकै चकाचक छ ! ! !

२००५-०४-१९, बबरमहल, काठमाण्डौ ।

एक कप चिया !

ऊ त्यहाँ चियापसल रै'छ

जाउँ न एक कप चिया पिउँ - एकै कप !

किन पीउने चिया ?

ऊ मेरो विपक्षमा छ

थोत्रा रिक्साहरु यताउता कुदिरहेका छन्

बन्दको असिमित माहौलमा

हो ! मैले मात्रै किन चिया पीउनुपर्ने ?

किन नपीउने चिया ?

ऊ मेरो पक्षमा छ

नयाँ कोट र थोत्रा विचारहरु द्वन्द गर्दैछन्

बन्द खुलेको सीमित माहौलमा

हो ! मैले मात्रै किन चिया नपीउने त ?

के पाइन्छ ? चिया पीएर !

ऊ मेरो विपक्षमा छ

काठी परेका हातहरु संघर्षरत काममा छन्

अहिले खाए - भरे के खाँउ भन्ने माहौलमा

हो ! मैले मात्रै किन चिया पीउनुपर्ने ?

के छैन र चियामा ?

ऊ मेरो पक्षमा छ

सुकोमल हात र सुडौल पाखुराहरु टाँसिएका छन्

चिन्ता विहीन माहौलमा

हो ! मैले मात्रै किन चिया नपीउने त ?

द्वन्द र वर्तमानको यो संघारमा

म आफैं विचलित छु

आखिर एकै कप चिया त हो !

जे भएपनि तलतल मेट्नै पर्छ

म त चिया पीउँछु - मात्र एक कप !

२०६१-११-१५, विराटनगर ।

रमाइलो छ जीन्दगी

रमाइलो छ जीन्दगी, भन्ने कुरा बल्ल थाहा भयो
कसले सोचेको थियो र जागिर बोझ रहेछ



केही काम नहुँदा भुन्टिकाँ चिया खाइयाथ्यो
त्यै पनि जेनतेन येनकेन प्रकारेण चलेकैछ


हेर्दा राम्रो बाहिर बोक्रो भित्र झन खोक्र्याथ्यो
गधा जुनी रहेछ जीन्दगी सधैं बोझको बोझ छ

मैले सबै अर्ति सुन्नु परे पनि घर्ती खै काँथ्यो
एकै कप चियामा सारा समय बिन्दास छ
लौ ! भुन्टी मेरो बिना चिनीको चिया कहाँ छ

२०६७-१२-१४, तिनकुने सुविधानगर

ExperText

ExperText (Rada, 1990), ( Rada, 1991A), (Rada, 1992) is a system which combines a hypertext and an expert system. Hypertext systems can include expert system features for incorporating flexibility, formal representations and arbitrary  computations that helping users find relevant information. ExperText employs predicates at nodes and implications on links so the hypertext graph can support inferencing. Procedures can be attached to links and support all kinds of computation. The nodes and links can be viewed as a semantic network. A link attributes a meaning to the pair of nodes it connects. Spreading activation or  analogical inheritance can be used for inferencing. User tailored maps can be generated to help users in navigational access.